İNTERNET XİDMƏTLƏRİ MÜQAVİLƏSİ
(fiziki şəxslər üçün)
1. MÜQAVİLƏNİN MÖVZUSU
1.1 İSTİFADƏÇİ
tapşırır, PROVAYDER isə Xidmətlər Tarifinə
müvafiq olaraq İSTİFADƏÇİYƏ məxsus
olan avadanlığın Optika texnologiyası üzrə
İnternet şəbəkəsinə qoşulması məqsədi
ilə işlərin və xidmətlərin yerinə yetirilməsi
haqda öhdəlikləri üzərinə götürür.
Xidmətlər tarifi hazırki müqavilənin
ayrılmaz tərkib hissəsidir.
1.2 Abunə xəttinin (məlumatların
ötürülməsi şəbəkəsində rabitə
xəttinin ötürme zolağı) standart
xarakteristikaları nəzərə alınmaqla təşkil
olunan kanalda texniki sürət Ethernet stansiya
avadanlığı üzərinde PROVAYDER tərəfindən
təyin olunur və tarif planından asılı olaraq internet
qoşulmanı təşkil edir, istifadə ediləcək
aylıq trafikin həcminə məhdudiyyət tədbiq
edilmir. Lakin İSTİFADƏÇİ tərəfindən
istifade edilən trafikin həcmi əhəmiyyətli dərəcə
artıqda, PROVAYDER istifadə ediləcək trafikin sürətini
İSTİFADƏÇİYƏ qabağcadan məlumat vərməklə
aşağı salmaq hüququnu özündə saxlayır.
Real texniki sürət və rabita xidmətlərinin digər
texniki göstəriciləri istifadə olunan məlumatların
ötürülməsi protokollarından, məlumatların
ötürülməsi şəbəkəsinin elementlərinin
vəziyyətindən (abunə xətti, digər rabitə
operatorlarının məlumatlanın ötürülməsi
şəbəkələri, eləcə də İSTİFADƏÇİNİN
avadanlığı məlumatların mübadiləsini
apardığı serverlərdən və digər şəbəkə
avadanlığından) asılıdır və buna göre də
PROVAYDER İSTİFADƏÇİYƏ rabitə xidmətləri
təqdim olunan müddət ərzində təşkil olunan
kanal üzre məlumatların mübadilə sürətinin dəyişməzliyinə
və digər texniki göstəricilərə əməl
olunacağına zəmanət vermir.
1.3 İSTİFADƏÇİNİN İnternet
şəbəkəsinə qoşulması Müqavilənin
imzalandığı və pul vəsaitinin PROVAYDERİN şəxsi
hesabına daxil olduğu gündən etibarən 10 (on) iş
günündən gec olmamaqla və İSTİFADƏÇİ
tərəfindən zəruri texniki vasitələrin
mövcüd olduğu zaman yerinə yetirilir.
2. TƏRƏFLƏRİN HÜQUQ VE ÖHDƏLİKLƏRİ
2.1 PROVAYDERİN öhdəlikləri:
2.1.1 PROVAYDER İSTİFADƏÇİNİN
seçdiyi Tarif Planı (hazırkı müqavilə imzalanan
tarixə qüvvədə olan tariflər) üzrə nəzərdə
tutulmuş ilkin ödəniş məbləğinin ödənişi
həyata keçirildikdən sonra geniş zolaqlı rabitə
xəttini İSTİFADƏÇİNİN
yaşayış ve ya olduğu yer üzrə
quraşdırır, aktivləşdirir, yoxlayır və
İSTİFADƏÇİ Telekommunikasiya xidmətləri ilə
təmin edir;
2.1.2 İSTİFADƏÇİNİN müraciəti
əsasında ona PROVAYDERİNİN rabitə xidmətləri,
onlardan istifadə qaydaları və tarifləri haqqında məlumat
verir;
2.1.3 Müqavilənin şərtlərinə uyğun
olaraq Xidmətləri göstərir;
2.1.4 İSTİFADƏÇİNİN müraciəti
əsasında internet qoşulmaqla olan texniki problemlərini
vaxtında (qeyri-iş günləri istisna olmaqla) aradan
qaldırır. Əgər texniki problemlərin həlli
üçün PROVAYDERƏ müraciət qeyri-iş
günlərinə təsadüf edərsə, bu halda PROVAYDER
mövcud imkanları daxilində növbətçi texniki
qrupu ilə həll edilə bilər. PROVAYDER İSTİFADƏÇİNİN
ya üçüncü şəxslərin təqsiri
üzündən yaranan texniki problemləri həll etməmək
hüququnu özündə saxlayır;
2.1.5 İSTİFADƏÇİNİN müraciəti
əsasında uşaqların zərərli informasiyadan
qorunması üçün internet informasiya ehtiyatlarından
təhlükəsiz istifadə imkanlarını
“Uşaqların zərərli informasiyadan qorunması
haqqında” Azərbaycan Respublikası Qanununun tələbləri
nəzərə alınmaqla təmin etmək.
2.2. PROVAYDERİN hüquqlan:
2.2.1 İSTİFADƏÇİDƏN onun bu
Müqavilə üzrə öhdəliklərinin tam vicdanla və
tələblərə uyğun sürətdə icra edilməsini
tələb etmək;
2.2.2 Xidmətin və ya şəbəkənın
texniki parametrlərinə, o cümlədən
avadanlığa ve digər rabitə vasitələrinin
konfiqurasiyasına təsir edə bilən istənilən
deyişiklidən etmək;
2.2.3 Xidmət ilə elaqədar qaydaları, şərtləri
ve tarifləri birtərəfli qaydada dəyişdirmək;
2.2.4 İSTİFADƏÇİNİN Müqavile ilə
nəzərdə tutulmuş hüquq və öhdəliklərinə
təsir etməyən PROVAYDERİN istənilən fəaliyəti
barədə İSTİFADƏÇİYƏ məlumat verməmək;
2.2.5 Bu Müqavilə ilə müəyyən olunan
hallarda Müqavilə üzrə öhdəliklərinin icra
olunmasını dayandırmaq və ya Müqaviləyə birtərəfli
qaydada xitam vermək.
2.3. İSTİFADƏÇİNİN
öhdəlikləri:
2.3.1 Quraşdırma zamanı İSTİFADƏÇİNİN
mənzili daxilində texniki quraşdırma qrupuna
lazımı şərait yaratmaq və ehtiyac olduğu halda
inzibatı dəstək vermək, yəni zirzəmilərə,
çardaqlara, qarajlara, şaxtalara və s. daxil olmaq
üçün müvatiq icazələri almaq və tələb
olunan yerlərə girişin təmin olunması
üçün lazımı digər hərəkətləri
etmək;
2.3.2 Xidmətlərdən üçüncü şəxslər
tərəfindən istifadə edildikdə, belə istifadənin
Müqavilənin şərtləri daxilində həyata
keçirilməsinə zəmanət vermək və həmin
üçüncü şəxslərin hərəkətlərinə
göre Azərbaycan Respublikasının qanunvericiliyinə və
hazırkı Müqaviləyə əsasən məsuliyyət
daşımaq;
2.3.3 Səxsiyyət Vəsiqəsi (və ya Pasport), əlaqə
məlumatı və bu Müqavilənin icra olunmasi ilə
bağlı tələb olunan məlumatlarda baş verən hər
hansı dəyişikliklər barədə PROVAYDERİ 10
(on) gündən gec olmayaraq yazı surətdə məlumatlandırmaq;
2.3.4 Xidmətdən və xidmətlə elaqədar
olan digər avadanlıq və vasitələrdən kommersiya məqsədi
və ya şəxsi istifadədən başqa digər istənilən
fəaliyyət üçün istifadə edilməməsini
və ya bu məqsədlərlə başqasına istifadəyə
və ya icarəyə verilməməsini təmin etmək;
2.3.5 Xidmətin üçüncü şəxslərə
ikinci əldən (təkrarən) satılmamasını təmin
etmək;
2.3.6 Şəbəkə, xidmət və bununla elaqədar
digər vasitələri hər hansı qeyri-qanuni və ya
qeyri-etik məqsədlər, cinayət məqsədlər və
ya inzibatı pozuntular üçün istifadə etməmək;
2.3.7 Şəbəkəyə müdaxilə edən
və ya mənfi təsir göstərə bilən
qurğulardan istifadə etməmək;
2.3.8 İSTİFADƏÇİNİN səhlənkarlığı,
birbaşa və ya dolayı təqsiri ucbatından, kabel və
quraşdırılmış avadanlıqla kobud reftarı nəticəsində
və İSTİFADƏÇİYƏ aid Wi-Fi
avadanlığı, kompyuter və digər
avadanlıqların təminatında yaranmış texniki
problemlərin və ya zədələnmələrin həll
edilməsi üçün texniki qrupuna və
çağırılmasının yekun dəyərini
PROVAYDERİNİN həmin tarixdə qüvvədə olan
qiymət cədvəlinə əsasən ödəmək.
2.3.9 Avadanlığın təhlükəsizliyinin təmin
edilməsi ilə bağlı ağlabatan tədbirlərin
görülməsini və nəzərətin həyata
keçirimək.
2.4. İSTİFADƏÇİNİN
hüquqları
2.4.1 PROVAYDERİNDƏN bu Müqavilədə müəyyən
olunmuş öhdelliklərin yerinə yetirməsini tələb
etmək;
2.4.2 Tətbiq olunan Tarif Planı və Qaydalara
uyğun olaraq Müqavilə güvvədə olduğu
müddət ərzində PROVAYDER tərəfindən
göstərilən hər hansı rabitə xidmətlərini
əlavə etmək və ya ondan imtina etmək;
2.4.4
PROVAYDERİN, əməllərindən qanunvericiliklə
müəyyən edilmiş qaydada şikayət vermək və
hüquqlarının qorunmasını tələb etmək;
2.4.5
PROVAYDERDƏN internet xidmətlərinin məzmunu, keyfiyyəti,
xidmət haqqı və göstərilməsi qaydası
haqqında ətraflı məlumatı pulsuz almaq;
2.4.6
Qanunvericiliyə və müqavilə ilə müəyyən
edilmiş şərtlərə əsasən xidmətlərin
siyahısının dəyişdirilməsi, azaldılması
və ya onların göstərilməsinə xitam verilməsini
tələb etmək.
3. XİDMƏTLƏRİN DƏYƏRİ VƏ
HESABLAŞMALAR QAYDASI
3.1 Hazırki Müqavilə üzrə xidmətlərin
dəyəri Xidmətlərin Tarifi cədvəli ilə
müəyyən edilir.
3.3 PROVAYDERİN xidmətlərinin ödənişi
İSTİFADƏÇİ tərəfindən qabağcadan
olaraq ödənilir. Xidmətlərin hesablaşma
dövrü hər ayın birinci gününün 00 saat 01 dəqiqə
vaxtından başlayır.
3.4 Ödəniş nağd vəsaitin PROVAYDERİN
kassasına daxil edilməsi, onlayn ödəmə plastik kart
vasitəsi ilə, bankomat və internet banking, ödəmə
terminalı yolları ilə ödənilə bilər.
3.5 İSTİFADƏÇİ tərəfindən
aşkar olunan nasazlığa görə hər
çağırış üçün (5 azn fiziki şəxslər,
10 azn hüquqi şəxslər) tərəfindən ödənilməlidir.
3.6 Müqavilənin xitam verilməsindən sonra
yalnız növbəti ay üçün ödənilmiş
vəsait qaytarılır. Cari ay üçün ödənilmiş
vəsait isə qaytarılmır. İSTİFADƏÇİ
cari ayın axırına kimi internet xidmətindən istifadə
etməlidir.
4. DİGƏR ŞƏRTLƏR
4.1 PROVAYDER öz şəbəkəsində olmayan
resursların işləməsinə, keyfiyyətinə və
qoşulma sürətinə görə məsuliyyət
daşımır.
4.2 İSTİFADƏÇİYƏ müqavilənin
əlavəsində göstərilən maksimal sürət
nominalına qədər internet şəbəkəsinə
çıxış verilir.
4.3 Elektrik cəryanının olmaması və yaxud
maqistral optik kabelin zədələnməsi səbəbindən
internet xidmətində yaranan fasiləyə qörə
PROVAYDER məsuliyyət daşımır.
4.4 PROVAYDER istənilən zaman təqdim edilmiş internet xidmətlərinin
tarifini dəyişmək hüququndadır. Dəyişilmiş
tariflər PROVAYDERİN rəsmi Veb internet saytında öz əksini
tapır və bu müqaviləyə şamil olunur.
4.5 İSTİFADƏÇİ tariflərin dəyişiləməsini PROVAYDERİN internet saytında izləməlidir.
4.6 İSTİFADƏÇİNİN mənzilinə
kimi çəkilmiş internet kabellər PROVAYDERƏ məxsusdur
və İSTİFADƏÇI internet xidmətindən imtina
etdikdən sonra bu kabellər PROVAYDER tərəfindən
çıxarıla bilər.
4.7 Qoşulmadan sonra 3
aydan tez PROVAYDERİN xidmətlərindən istifadəyə
xitam verildikdə və ya abunə haqqını ödəməkdən
imtina edildikdə, İSTİFADƏÇİ PROVAYDERƏ 5
azn (qoşulma haqqını) və mənzilə qədər
kabel çəkilməsi xərclərini kompensasiya etməlidi.
4.8 Mənzillərin içində və mənzildən
kənar çəkilmiş kabellərin saxlanılmasına
qörə PROVAYDER heç bir məsuliyyət
daşımır. Mənzil və
mənzildən kənarda zədələnmiş kabellərin
bərpası ödənişlidir.
4.9 Keçirilən
kampanyalar çərçivəsində İSTİFADƏÇİYƏ istifadə üçün
avadanlıq (“router”) verilir. Router PROVAYDERİN
mülkiyyətidir
və İSTİFADƏÇİ “router”-in təhlükəsizliyi və
xidmətə verilməsi üçün tam məsuliyyət
daşıyır. PROVAYDERİN xidmətlərindən istifadəyə
xitam verildikdə və ya abunə haqqını ödəməkdən
imtina edildikdə, İSTİFADƏÇİ PROVAYDERƏ məxsus
“router”-i tam və işlək vəziyyətdə
qaytarmağı öhdəsinə götürür.
5. MƏSULİYYƏT
5.1. Internet müxtəlif şəbəkələrin
könüllü birliyi olduğundan PROVAYDER Internet səbəkəsinin
ayrı-ayrı seqmentlərinin
çatışmamazlığına və düzgün fəalyyət
göstərməməsinə cavabdehlik daşımır.
PROVAYDER müvəqqəti və ya daimi olaraq internet şəbəkəsi
üzərindən mövcud olmayan host və server vasitələri
ilə informasiya mübadiləsinə zəmanət vermir.
PROVAYDER yalnız öz şəbəkəsi çərçivəsində
verilmiş internet sürətinə zəmanət verir.
5.2. İSTİFADƏÇİ Internet şəbəkəsindən
qəbul olunmuş materialların istifadəsi, informasiya,
reklam, xidmət və mallar ilə əlaqədar olan
bütün risk və məsuliyyəli tam olaraq öz üzərine
götürür.
5.3 İSTİFADƏÇİNİN hərəkətləri
nəticəsində (misal: kompyuter şəbəkələrinin
qırma təşəbbüsləri, xoşagəlməz
korrespondensiya, virusların göndərilməsi,
telekonfranslarda istənilməyən xarakterli məlumatın nəşri
və s.) səbəblərə qörə PROVAYDER heç
bir məsuliyyət daşımır. İSTİFADƏÇİ-nin internet xidmətindən istifadə
etdiyi halda
üçüncü şəxslərə vurulan mənəvi
və maddi ziyan haqda gələn şikayətlər
ehtimalında, PROVAYDER İSTİFADƏÇİNİ
qabağcadan xəbərdar edir, və həmçinin ortaya
çıxmış ziddiyatların həll olunmasınadək
İSTİFADƏÇİYƏ təqdim etdiyi xidmətin
bütövlüklə və ya hissə-hissə məhdudlaşdırmaq,
və ya müqavilənin 6-cı bəndinə əsasən müqavilənin birtərəfli ləğv
etmək hüququnu üzərində saxlayır.
5.4 PROVAYDER Internet şəbəkəsi ilə istər
açıq və ya gizli şəkildə təqdim olunan istənilən
mallara, xidmətlərə, məlumata göre heç bir zəmanət
vermir və məsuliyyət daşımır. PROVAYDER
İSTİFADƏÇİNİN Internet şəbəkəsindən
birbaşa və ya dolayı yolla istifadəsi və ya istifadə
bilməməsi səbəbiylə ona dəymiş zərər
və ya xərclərə görə məsuliyyət
daşımır. İnternet şəbəkəsi vasitəsi
ilə təqdim olunan istənilən fikrin səmərəliyinin,
dəqiqliyin tamlığının, xidmətlərin və
digər məlumatların, malların keyfiyyət və
xüsusiyyətlərinin qiymətləndirməsinə
görə cavabdehliyi İSTİFADƏÇİ
daşıyır.
5.5 PROVAYDER Internet şəbəkəsi vasitəsi ilə
yayımlanan (mövcud olan) ümumi informasiya axınında
İSTİFADƏÇİ üçün xoşa gəlməz
olan materiallara, həmçinin öz növbəsində
İSTİFADƏÇİYƏ şəxsən toxuna biləcək
və ya onunla bağlı olan açıq seksual xarakterli və
ya təhqirədici məlumatlara nəzərət etmir və
buna görə məsuliyyət daşımır.
5.6 İSTİFADƏÇİ giriş
üçün öz parametlərinin təhlükəsizliyinə
və onun giriş kanalından icazəsiz istifadə nəticəsində
dəymiş zərərə görə tam məsiliyyət
daşıyır. PROVAYDER, İSTİFADƏÇİNİN
girişindən üçüncü şəxslər tərəfindən
icazəsiz olaraq istifadə nəticəsində dəymiş
ziyana görə, o cümlədən, üçüncü
şəxslər tərəfindən icazəsiz istidafə ilə
İSTİFADƏÇİNİN şəxsi hesabına və
onun səhifəsindən şəxsi statik məlumatlara girməsinə
görə məsuluyyət daşımır və kompensasiya
vermir.
5.7 PROVAYDER ondan asılı olmayan səbəblərə
görə - avadanlığın yerləşdiyi zirzəmi və
digər yerlərin su ilə dolması, yanğın baş
verməsi və digər xarici təsirlərə məruz
qalması, elektrik təchizatının kəsilməsi və
ya qüsurların olması və digər buna bənzər
halların baş verməsi nəticəsində xidmət səviyyəsinin
aşağı düşməsi və ya xidmətin
dayandırılmasına görə məsuliyyət
daşımır və belə halların
mövcüdluğu keyfiyyətsiz və ya qüsurlu xidmət
kimi qiymətləndirə bilməz.
5.8 İSTİFADƏÇİ bu Müqavilədə
qeyd edilən öhdəliklərini pozduqda, PROVAYDER belə
pozuntu nəticəsində dolayı yolla və ya birbaşa dəymiş
ziyanın (real zərər, əldən
çıxmış fayda, habelə də pulu) tam məbləğin
İSTİFADƏÇİDƏN tələb etmək
hüququna malikdir.
6.
MÜQAVİLƏNİN QÜVVƏDƏ OLMA MÜDDƏTİ,
XİDMƏTLƏRİN DAYANDIRILMASI VƏ MÜQAVİLƏYƏ
XİTAM
6.1 Bu Müqavilə onu hər iki Tərəf
imzalandığı tarixdən qüvvəyə minir və 1
(bir) il müddətinə qüvvədədir. Tərəflərin
qarşılıqlı razılığı əsasında,
müqavilənin müddəti uzadıla bilər. Əgər
Tərəflərdən biri digərinə hazırkı
Müqavilə müddətinin bitməsinə 10 (on) təqvim
günü qalmış Müqavilənin ləğv edilməsi
barəsində yazılı şəkildə xəbərdarlıq
etməyibsə, Müqavilənin müddəti hər il
uzadılır.
6.2 PROVAYDER aşağıdaki hallada və öz
seçimi əsasında bu Müqavilənin icrasını
birtərəfli qaydada dayandıra və ya ona xitam verə bilər:
a) Müqavilənin fəaliyyəti PROVAYDERİN
birbaşa günahı olmadan, yazılı şəkildə
tərtib edilmiş əsasında İSTİFADƏÇİNİN
təşəbbüsü ilə dayandırıla bilər;
b) İSTİFADƏÇİNİN bu Müqavilə
üzrə xidmətlərdən istifadəsi nəticəsində
PROVAYDERİN istismarında olan texnoloji avadanlığına və
xidmətin keyfiyyətinə mənfi təsir göstərildikdə;
c) PROVAYDERİN avadanlığına aid texniki və
ya profilaktik işlərin aparılması ilə əlaqədar
olaraq;
d) İSTİFADƏÇİ tərəfindən
PROVAYDERİN istismarında olan şəbəkə və ya
rabitə kanalları vasitəsi ilə PROVAYDERƏ hər
hansı üçüncü şəxslərə və ya
dövlətə ziyan yetirən hərəkətlərin edilə
biləcəyinə güman etməsinə əsas olduqda;
e) Müqavilənin şərtlərinə uyğun
olaraq ödəniş öhdəlikləri yerinə yetirmədiyi
halda;
f) İSTİFADƏÇİ bu Müqavilə
üzrə hansı öhdəliklərini tam və ya qismən
yerinə yetirmədikdə;
g) Qanunvercilikdə nəzərdə tutulmuş digər
hallarda.
6.3 Müqavilə, yuxarıdakı səbəbdən
fərqli olan səbəblərə görə qüvvədən
düşdükdə qarşılıqlı hesablaşma və
ödənişlər üzrə məsələlər Tərəflərin
razılığı ilə və ya məhkəməsində
müəyyən edilmiş qaydaya əsasən həll
edilir.
6.4 Hazırki Müqavilənin yerinə yetirilməsində
istisna edən və ya obyektiv maneələr törədən
fors-major halları yarandıqda, Tərəflər
qarşılıqlı iddialara malik olmurlar və hər bir tərəf
bu halların nəticələrinin öz riskini üzərinə
götürür. Qeyd olunan hallar Tərəflərin həmin
halların yarandığı tarixə mövcüd olan pul
öhdəliklərinin yerinə yetirilməsindən azad etmir.
6.5 Hazırki Müqaviləyə dair bütün əlavə
və deyişikliklər yazılı şəkildə tərtib
edilir və hər iki Tərəfdən imzalanır.
6.6 Bu Müqavilə Azərbaycan dilində eyni
hüquqi qüvvəyə malik 2 (iki) əsli nüsxədə
imzalanmışdır. Bir nüsxə PROVAYDERDƏ digər
nüsxə isə İSTİFADƏÇİDƏ
saxlanılır.
6.7 Qanunvericilik və normativ aktların (o cümlədən
rabitənin digər struktur və orqanlarının) tarif və
rüsumları dəyişildiyi halda, İnternet-ə
qoşulma imkanı verilməsi üzrə PROVAYDERİN xidmətlərinə
aid edilən digər məcburi ödənişlər tətbiq
edildikdə, həmçinin, Azərbaycan Respublikası ərazisində
qiymət indeksinin dəyişildiyi halda PROVAYDER Xidmətlər
Tarifini və hazırki Müqaviləni qeyri – şərtsiz
qaydada yenidən nəzərdən keçirmə hüququna
malikdir. Tariflərin dəyişiklikləri barədə məlumatlar
PROVAYDER-nın rəsmi Veb saytında göstərilir.
6.8 Əgər İSTİFADƏÇİ Müqavilədə
əks olunan Tariflərin dəyişməsi
ilə razı deyilsə, o zaman, xəbərdarlıq
aldığı tarixdən sonrakı 10 (on) gün ərzində
yazılı şəkildə, PROVAYDERA məlumat verməlidir:
hüquqi şəxslər üçün – İSTİFADƏÇİ təşkilatın rəhbərinin
imzası ilə, fiziki şəxslər üçün –
şəxsi imza və şəxsiyyəti təsdiq edən sənədi
təqdim etməklə.
Bu halda Müqavilə hazırki Müqavilənin
6-cı bəndində qeyd olunan şərtlər əsasında
ləğv olunur. Dəyişiklərin qüvvəyə minməsi
anında Müqavilədən yazılı şəkildə
imtina təqdim edilmədikdə, bu, İSTİFADƏÇİNİN
Müqavilə və Tariflərin şərtləri ilə
razılaşması kimi qəbul edilir.
6.9 Keçirilən kampanyalar çərçivəsində
müqavilə şərtlərinə uyğun olaraq
PROVAYDERİN mülkiyyətində olan avadanlıqlar
İSTİFADƏÇİNİN istifadəsinə və ya
ona alqı-satqı yolu ilə nağd və ya köcürmə
yolu ilə yetirə bilər, müqaviləyə xitam verildikdə
PROVAYDER tərəfindən istifadəyə verilmiş
avadanlıqlar PROVAYDERƏ tam tərkibdə işlək vəziyyətdə,
hər hansı qüsur və xəsarət olmadan 3
(üç) gün ərzində geri qaytarılır, əks
təqdirdə tarif planına uyğun olaraq gündəlik borc
yazılır və PROVAYDER istifadıyə verilmiş
avadanlıqlarının geri tələb edilməsi ilə
bağlı tədbirlər görür.
6.10 İSTİFADƏÇİ günahı
ucbatından istifadəsinə verilmiş avadanlıqların hər
hansı qüsur və xəsarət olduğu, sıradan
çıxdığı və geri
qaytarılmadığı hallarda İSTİFADƏÇİ
avadanlıqların dəyərini nağd və köcürmə
yolu ilə PROVAYDERƏ ödəməlidir.
6.11 İSTİFADƏÇİ bu Müqaviləyə
xitam vermək istədiyi halda, o bu barədə növbəti
ay üçün ödəniş günündən ən
azı 10 (on) iş günü əvvəlcədən
PROVAYDERİN ofisinə yazılı müraciət etməklə
xəbərdar etməlidir. Bu halda Müqavilənin xitam tarixinədək
göstərilmiş Xidmətin haqqı İSTİFADƏÇİ
tərəfindən aparılır və Tərəflər
arasında bütün qarşılıqlı hesablaşmalar
yerinə yetirilməlidir.
6.12 İSTİFADƏÇİ müqaviləni
müvəqqəti dayandırmaq ya da xitam vermək,
seçdiyi tarif planını dəyişmək istədiyi
halda 10 (on) iş günü öncədən PROVAYDERƏ
müraciət etməlidir.
7.
FORS-MAJOR
7.1.
Müqavilənin icrasına qarşısıalınmaz
qüvvə təsir göstərərsə, PROVAYDER
Müqavilənin yerinə yetirilməsi təminatından məhrum
olunmadan cərimələrin ödənilməsindən azad
edilir və Müqavilənin pozulması üçün məsuliyyət
daşımır.
7.2. Qarşısıalınmaz qüvvənin təsirinə
İSTİFADƏÇİ və PROVAYDER tərəfindən
nəzarət edilməyən, onların səhvi nəticəsində
baş verməyən, qabaqcadan nəzərdə tutulması
mümkün olmayan hadisələr aid edilir. Bunlara müharibələr
və ya inqilablar, daşqınlar, epidemiyalar, karantinlər,
embarqolar, dövlət və hökümət qərarları
və bu kimi digər hallar aid edilir.